Kapellmeisterwechsel beim Frühjahrskonzert 2023
29. März 2023
01. + 02. April
Donksche, mehr kina ma ned sogn 
Noch so an Wochenend', wir kinnans ned beschreibn,
am liaban mecht ma de Zeit lossen stehbleibn.
Von nervöse, aufgeregte bis über lockere Musiker woa ois dabei,
scho bei da Einspüprobe ma vernommen hod so manchen Freudenschrei. 
"Endlich derf ma wieda auf d'Bühne, geht's dir a wie mir?
i kunnt schrein vor Freid, geh ma endli eine bei da Tür.
A woanads Aung is mit dabei, heid is soweit.
Des letzte moi midn Schuaster foan, genieß ma de Zeit." 
So homa für eich gspüd circa zwoa Stundn,
hod se vorn a vü griat, mid da Kapömoaster-Rundn.
Fia uns woas a Wahnsinn, hoffentli für enk a,
und derfn uns bedanken fürn Applaus und Standing-Ovations a. 
Wer's a numoi Revue passiern loss'n mog.
Ko schau'n bei de Foto vom Alois Braid und Josef Huber vom St. Rominger Konzerttog.
Vom Konzert in Esternberg gibts a Fotos gnua,
gmocht von da Steininger Werbeagentur.
Danke an eich drei fürs Fotografieren,
so hom wir für später gnuag zan Resümieren.
Natürli homa vo beide Tog de Buidl gsommelt, is jo gonz kloa,
so schauts auf unser Homepage do is de Auswahl groß und wundaboa. 